Istassione ferruviària de Portu Turre

Dae Wikipedia, s'entziclopedia lìbera.

S’istassione ferruviària de Portu Turre est sa prus manna de sos Caminos de Ferru Nassionales in sa comuna de Portu Turre.

Istòria[modìfica | modìfica su còdighe de orìgine]

S’istòria de custu transitadorzu ferruviàriu tenet su cumintzu suo in sos annos otanta, addaghi fiat istadu detzìdidu de incuìre s’istassione dae sa sea orizinale (a probe de su portu) a sa zona de Fonte Betza. S’installadura, difatis, fiat istada realizada in sas probianias de su Riu Mannu, in antis de su tunnel de su faru e de s’inghitzu de s’arrampamentu suddu, chi a sos tempos zughiat a sa conca de lìnia betza de Portu Turre Pratza Cristòfaru Culumbu de s’Otieri Chilivane-Portu Turre, e chi galu como aunit s’istassione cun s’arressada terminale de Portu Turre marìtima. S’arzola de s’istassione betza fiat istada cunetada cun su portu industriale dae un’aunidorzu, galu oe presente, peroe rutu in disimpreu.

Nostamis de s’abertura de s’istassione noa, s’arzola de sa betza, chi est unos 600 metros a tesu dae su fraigu de biazadores atuale, est abarrada disimpreada in su barigare de sos annos, siat comente arzola de istassionamentu de sos bagones, siat pro su fatu chi, a su nordu e a su suddu de su transitadorzu betzu, s’incropaiant sos duos arrampamentos pro Portu Turre Pratza Cristòfaru Culumbu, chi formaiant su triàngulu de invertidura de s’istassione. S’ismanteddamentu de s’arrampamentu nordu e de una parte de sas bias in sa segunda metade de sos annos noranta, sende gasi, at privadu in fatu su transitadorzu turresu de sa possibilidade de bi furriare sos trenos. Aguarmente in cussu tempus, est istadu ismanteddadu su transitadorzu betzu de mercantzias de s’istrutura, postu in s’arrampamentu suddu pro Portu Turre Pratza Cristòfaru Culumbu, a pagos metros dae ue oe s’agatat sa conca de lìnia noa.