Jamón serrano(Presutu serrano)

Dae Wikipedia, s'entziclopedia lìbera.


Artìculu in LSC

Jamón serrano

Su jamón serrano (literalmente "presutu de monte") est un'alimentu otentu dae sa saladura e secadura a s'ària de is cossias posteriores de su porcu.

Su matessi prodùtu retzit fintzas su nùmene de paleta o paletilla cando s'otenet de sos cossias anteriores. Sa denominatzione jamón serrano est reconnota che ispetzializade traditzionale garantida (STG).

Produtzione[modìfica | modìfica su còdighe de orìgine]

Is prus connotos sunt is jamones de porcu nieddu ibèricu (Cerdo Ibérico) chi si produent in sa sierra de Huelva, mescamente in Jabugo, in Los Pedroches, cumarca de sa provìntzia de Cordova, in Trevélez, bidda de sa provìntzia de Granada e mescamente in Guijuelo, bidda de sa provìntzia de Salamanca, in ue si cuntzentrat su 60% de sa produtzione.[1] Unas àteras denominatziones connotas sunt su jamón Dehesa de Extremadura e su jamón de Teruel, chi a s'imbesse de sas denominatziones cabudianas, est localizadu in su Sistema Ibèricu. In Portugallu si produet in carchi zona de su sud-est (Barrancos) cun su porcu de ratza Alentejana. S'impreat sa paràula presunto ("presutu") pro denominare custu tipu de jamón.

Classificatzione[modìfica | modìfica su còdighe de orìgine]

Sos presutos ibèricu (jamón ibérico) e serranu (jamón serrano) sunt su resurtadu de duos diversos protzessos de traballadura e benint de ratzas de porcos diferentes. Is propiedades issoro non sunt duncas eguales e su presutu ibèricu bantat unu majore cunsideru gastronòmicu in cumparàntzia cun su Serrano. Una de sas diferèntzias intre issos est ca sa petza de su presutu ibèricu acudit de porcos de ratza pura a su mancu de su 70%, mentras pro su presutu serranu, is printzipales ratzas porchinas de apròliu sunt sa Duroc, sa Landrace, sa Large White, sa Pietrain.

Fintzas s'alimentatzione de sos porcos est diferente pro is vàrios tipos de presutu. Su presutu ibèricu contat diversas classes, segundu s'alimentatzione de su porcu, comente pro esempru su presutu de bellota, si is porcos sunt alimentados a landine e erba, o su presutu de recebo, si cun addescos, erbas, landines, ecetera. Pro su presutu serranu s'alimentatzione printzipale sunt is addescos de laore.

Fintzas pro su protzessu de istasonadura bi sunt una cantas diferèntzias intre is vàrias ispetzializades: pro su presutu de bellota ibèricu s'istasonadura depet èssere mantenta a su mancu dae 24 a 36 meses, mentras pro su serrano s'istasonadura tenet unu tempus de sete a bintibator meses.

Dominatziones de orìgine reconnotos UE/UE
  • Jamón Ibérico D.O. Jamón de Huelva
  • Jamón Ibérico D.O. Los Pedroches
  • Jamón Ibérico D.O. Jamón de Guijuelo
  • Jamón Ibérico D.O. Dehesa de Extremadura

Notas[modìfica | modìfica su còdighe de orìgine]

  1. Gastronomía de Salamanca, in ehib.es. URL consultadu s'8 freàrgiu 2017 (archiviadu dae s'url originale su 25 martzu 2016).

Boghes curreladas[modìfica | modìfica su còdighe de orìgine]