Katajjaq

Articulu in nugoresu

Duas feminas Inuit.

Su Katajjaq est una moda de cantare tradissionale chi cantan sos Inuit (bi at unu cantu chi si assimizat meda, su rekuhkara de sos ainu, ma est iscumpartu dae tempus meda). A s'imbesse de su cantu tradissionale chi si atzappat in populos medas peri su mundu, su cantu Inuit lu fachen a su solitu feminas chi, ind unu canticu a duas boches, si isfidan pro iscumbatare chie est sa prima a perder su jocu mancandeli alinu pro respirare; a su solitu, su jocu addurat duos o adderettura tres minutos. De cada manera, bi at fintzas una cantadora, Tanya Tagaq, chi bolet cantare a sa sola e si fachet acccumpanzare dae musitzistas comente a Björk. Bi at fintzas su duettu Tudjaat, chi cantat musica siat tradissionale, fatta chin su gùtturu, siat pop.