Katmandù

Dae Wikipedia, s'entziclopedia lìbera.
Jump to navigation Jump to search

Coordinatas: 27°43′N 85°22′E / 27.716667°N 85.366667°E27.716667; 85.366667

Flag of Sardinia, Italy.svg
Artìculu in LSC
Flag of Sardinia, Italy.svg

Katmandù
Posidura in s'istadu, inditada cun colore ruju

Katmandú (in nepalesu काठमांडौ) est sa capitale de su Nepal e sa printzipale tzitade metropolitana sua. Sa populatzione est intzerta, dae chi cumparent tzifras intre 450.000 e prus de 1.800.000 bividores, cosa chi cheret atibiada a maneras diferentes de cunsiderare su chi est sa tzitade. Segundu sa pàgina de sa tzitade metropolitana sa populatzione in su 2001 fiat de 671.846 cun una projetzione pro su 2006 de 777.795 e pro su 2011 de 915.000.

Partende dae sos annos 1960, Katmandú s'est cunvertida in unu logu meda bisitadu dae turistas girende su mundu, a partire dae su movimentu hippie, e oe in die est tzitade turìstica de importu pro is montes artos, is palatos e templos e is parcos naturales. Bona parte de is bividores est de s'etnia newar, sighidos dae sos gurkhes, ma totu is etnias de s'istadu nche sunt rapresentadas. Si ddi narat puru Kantipur o de Yen, nùmenes usados mescamente dae sos newars.

Su nùmene diat derivare de unu templu chi galu s'agatat in Durbar Square naradu Kasthamandap chi diat derivare de su sànscritu Kaasth (काष्ठ), "linna" e Mandap (मंडप/मण्डप), "aprigu amparadu". Puru si ddi narat Maru Satal e est istadu fraigadu in s'annu 1596 dae su re Laxmi Narsingh Malla. Su fàbricu non tenet ne crae ne elementu metàllicu ne apògiu, e est fatu totu de linna (segundu sa paristòria, totu sa linna benit de un'àrbore solu).

Àteros progetos[modìfica | modìfica su còdighe de orìgine]