Klas Pontus Arnoldson

Dae Wikipedia, s'entziclopedia lìbera.
Custu artìculu est iscritu in sa grafia campidanesa. Abbàida sas àteras bariedades gràficas:

logudoresu · LSC · nugoresu

Arnoldson in su 1908

Klas Pontus Arnoldson (Göterborg, 27 ladàmini 1844 - Stocolma, 20 friaxu 1916) est stètiu unu polìticu, giornalista e pacifista svedesu, onorau cun su prèmiu Nobel po sa paxi in su 1908.

Apustis de ai traballau po dexi annus me is caminus de ferru de Svètzia, est stètiu eletu a su parlamentu (Riksdag). In s'interis de custa càrriga (1882-1887) at traballau po arribai a una neutralidadi permanenti me is paisus scandìnavus.

In su 1883 at fundau sa Sotziedadi Svedesa po sa Paxi e s'Arbìtriu innui est stètiu segretàriu po annus medas. Gràtzias a custu e a su traballu po evitai una gherra cun sa Norvègia in su 1905, at cumpartziu su Prèmiu Nobel po sa Paxi cun su danesu Fredrik Bajer[1].

In su 1900 at scritu s'òpera Seklernas hopp (Sa speràntzia de is sèculus) contendi is passus ainnantis po sa paxi[1].

Riferimentus[modìfica | modìfica su còdighe de orìgine]

  1. 1.0 1.1 (EN) The Nobel Peace Prize 1908, in NobelPrize.org. URL consultadu su 20 abrile 2021.