Laogai
Limba Sarda Comuna. Abbàida sas àteras bariedades gràficas:
Su trèmene laogai (勞改, 劳改, láogǎi, incurtzadura de 勞動改造T, 劳动改造S, láodònggǎizào, in tzinesu "reforma a traessu de su traballu") si referit, propiamente, a una particulare forma de traballu fortzadu de sa Repùblica Populare Tzinesa. Su trèmene est fintzas impreadu in manera generalizadu pro inditare is diversas formas de traballu fortzadu prebìdidas de su sistema giurìdicu e cartzeràriu tzinesu, chi incluet fintzas su laojiao (勞教T, 劳教S, láojiào, literalmente "educatzione torra a traessu de su traballu") e su jiuye (literalmente "personale addetu a su traballu fortzadu", ma est dae calincunos cunsideradu una forma indereta de presonia). Su trèmene laogai etotu, in sentidu astringhidore, est a bortas impreadu pro inditare unu campu de cuntzentramentu. Segundu un'iscumbata de su 2008 de sa Laogai Research Foundation, in sa Repùblica Populare Tzinesa sunt presentes 1422 laogai.[1]
Is cunditziones de vida de is fortzados e s'impreu issoro che a fortza traballu sunt fatu·fatu inditados lesivos de is deretos umanos. A custu propòsitu tocat a tènnere a mente ca sa Cunventzione 105[2] de s'Organizatzione Internatzionale de su Traballu (ONU) de su 25 làmpadas 1957 chi pedit s'abolitzione de sa cundenna a is traballos fortzados no est istada ratificada dae sa Tzina[3] fintzas a su 2013, cando sa Corte Suprema tzinesa abolit is Laogais paris cun sa polìtica de su fìgiu solu.
Mitzas vàrias sustentant chi in is campos de traballu siant aplicados comunemente sa tortura, sa educazione torra polìtica e chi bi siant tasos artos de mortalidade de is presoneris dada dae malos tratos de tipu vàriu.[4] Documentos de cundenna de su sistema de is laogais sunt istados prodùidos dae diversos guvernos e parlamentos.
Denuntzias graes meda sunt aporridas fintzas in is òperas de Harry Wu (unu dissidente cinesu chi at passadu annos medas in custas presones, pro si nche fuire a pustis a Istados Unidos) e dae unos àteros dissidentes e ex-presoneris. Tales denùntzias pertocant fintzas crìmines che a su tràficu de òrganos de is presoneris.[5]
Riferimentos[modìfica | modìfica su còdighe de orìgine]
- ↑ Quanti sono i Laogai? Il numero dei campi di lavoro e il numero dei detenuti è considerato “segreto di stato” in Cina, in laogai.it. URL consultadu su 4 làmpadas 2021 (archiviadu dae s'url originale su 4 làmpadas 2021).
- ↑ testu de sa Cunventzione 105, in ilo.org.
- ↑ Convention No. C105 was ratified by 167 countries., in ilo.org. URL consultadu su 4 làmpadas 2021 (archiviadu dae s'url originale su 19 abrile 2007).
- ↑ Boom senza diritti - Il presidente di Amnesty Italia parla della Cina, in peacereporter.net. URL consultadu su 4 làmpadas 2021 (archiviadu dae s'url originale su 27 cabudanni 2007).
- ↑ An Independent Investigation Into Allegations of Organ Harvesting of Falun Gong Practitioners in China, in organharvestinvestigation.net.
Àteros progetos[modìfica | modìfica su còdighe de orìgine]
 |
Wikimedia Commons tenet files chi ligant a: Category:Laogai |