Le ombre del passato
Le ombre del passato (in sardu:Sas umbras de su tempus coladu) est unu romanzu grogu-nieddu-rosadu de Pier Luigi Cantarelli s'iscritore parmesu, editadu in su 2013 dae sa domo de imprenta “Zona” de Aretzu.
Inredu
[modìfica | modìfica su còdighe de orìgine]Alessandro Guidorossi, unu cummessàriu de polima ispertu de Parma, iscòberit a pustis de annos de istima chi muzere sua Cristina l'est trampende. S'esistèntzia sua tràculat, sas tzertesas s'isfrìghinant e su dolore si faghet una maladia sufogadora chi l'anìchilat.
Intre tantu, sa bidda est disestrada dae una filera de crìmines de biolèntzia mai intesa, perpetrados cun un'ermu inavesale dae su cale, a mèdiu de unu dispositivu a mollas, nche tzucant otu lepas afiladas chi pròvocant morte iscutale isfigurende sa cara de sas bìtimas.
Sos mortorzos tenent una caraterìstiga comuna: sos mortos pertenent a su pessonale mèdigu e paramèdigu de sa crìniga sichiàtriga de s'ispidale de Parma.
Su chestore, mancari siat istadu postu a su cunnoschimentu de sas cundissiones sicolòzigas difìziles in ue s'agatat su cummessàriu, at a insister pro chi siat isse su ch'inchertet, cunfiadore in sas capatzidades imbestigativas suas.
A su cumintzu, Alessandro at a realizare sas imbestigaduras disganadamente, peroe cando s'intreat de s'imboligamentu de muzere sua in s'acontèssida, at a agatare torra s'istìmulu netzessàriu pro afrontare cun determinadura inimigos pertiassos chi zughent torra a unu tempus coladu misteriosu prenu de memòrias drammàtigas.