Leonardo DiCaprio
 |
Custu artìculu est galu unu abbotzu. Lu podes modificare e fàghere mannu e pretzisu. Agiuda·si! |
.jpg)
Leonardo DiCaprio in su 2022
Leonardo Wilhelm DiCaprio (Los Angeles, 11 de onniasantu 1974) est unu atore, iscenegiadore e produtore tzinematogràficu istadunidensu.
Cunsideradu unu de is atores prus populares de s'istòria de su tzìnema, DiCaprio at pigadu parte a numerosas pellìculas de sutzessu e at a s'ispissu otentu s'agradessimentu de pùblicu e crìtica ispetzializada.[1][2]
S'est fatu famadu a livellu internatzionale in su 1994 pro s'interpretatzione sua in su film drammàticu What's Eating Gilbert Grape e s'est cunsagradu in su 1997 cun su ruolu de Jack Dawson in su colossal Titanic de James Cameron, acanta de Kate Winslet, essende unu de is atores prus influentes de sa generatzione sua.[3] In su cursu de sa carriera at collaboradu cun calicunu de is registas prus importantes de s'època sua, comente a su giai tzitadu James Cameron, Baz Luhrmann, Danny Boyle, Clint Eastwood, Christopher Nolan, Steven Spielberg, Ridley Scott, Sam Mendes, Sam Raimi, Edward Zwick, Woody Allen, Alejandro González Iñárritu, Quentin Tarantino, Paul Thomas Anderson e mescamente Martin Scorsese, cun chi at traballadu a fitianu dae su 2002, cunsiderende·ddu su mèntore suo.
In su 2016 at bintu s'Oscar comente mègius atore pro s'interpretatzione de Hugh Glass in The Revenant de Alejandro Iñárritu. Intre sos vàrios reconnoschimentos otentos figurant sete candidaduras a s'Oscar (una comente a mègius atore non protagonista pro What's Eating Gilbert Grape e una a su mègius film pro The Wolf of Wall Street comente produtore), tres Golden Globe dae batòrdighi candidaduras, unu Screen Actors Guild Award cun trèighi candidaduras, unu prèmiu BAFTA cun ses candidaduras e duas Critics Choice Awards cun trèighi candidaduras.[2]
Riferimentos
[modìfica | modìfica su còdighe de orìgine]- ↑ Secretary-General designates Leonardo DiCaprio as UN Messenger of Peace, in un.org. URL consultadu su 2 gennaio 2017.
- 1 2 Tutti i film in cui Leonardo DiCaprio ha vinto dei premi, in cinefacts.it, 11 novembre 2020. URL consultadu su 12 novembre 2020.
- ↑ Republic World, Leonardo DiCaprio's 'Titanic': Here is interesting trivia about the iconic film, in republicworld.com. URL consultadu su 20 marzo 2021.