Liceu classicu Domenico Alberto Azuni
Articulu in nugoresu
Su Liceu de Istadu «Domenico Alberto Azuni» est unu liceu classicu de Tàtari.
Su Liceu fit nàschiu in su 1852, cando sa Crèsia, a pustis de sos abbolòtos de su 1848, aìat pèrdiu su monopòliu de s'impàru tzitadinu, ca fintzas a tando su potere fit de sos Gesuitas.
Chin s'unidade de sa penìsula italiana in su 1861, su liceu divenit regiu e in su 1865 li ponent su tìtulu in ammentu de Domenico Alberto Azuni, zurìsta de erèntzia tataresa e istudiosu de derètu maritimu e cummertziàle chi aìat traballau pro sos Savoia e Napolione.
In prus de 150 annos de istoria, su Liceu Azuni at donau cuntributos mannos pro s'educassione de sa classe dirigente sarda e cussa italiana. In su numeru de sos chi bi ant istudiàu, bi at puru zente chi at tentu importu mannu in Italia, comente a duos Presidentes de Repùbrica (Antonio Segni e Francesco Cossiga) e duos segretarios de su Partidu Comunista Italianu (Palmiro Togliatti e Enrico Berlinguer), chene contare a ateros politicos, funtzionarios, magistraos, professores universitarios, artistas, imprenditores e professionistas.