Limbas in intro de s'Unione Europea

Articulu in nugoresu

Sas limbas de s'Unione Europea sunt totu cuddas chi impreant sos chi vivent in intro de sa UE, siat ufitziales siat de minorìa. A como sas limbas ufitziales de s'UE sunt 23; dae sa primu die de jannarju de su 2007 nche ant annantu su bulgaru, su rumenu e s'irlandesu. In sa pagina printzipale de su zassu de sa UE si nat: "Limbas: sa sienda de s'Europa" chind una setzione a sa sola totu dedicada a custu argumentu.

S'UE incorazat su plurilimbismu, alentat sos tzitadinos suos a esser bonos a faveddare ateras limbas in prus de cussa de mama, offerinde e finantziande una seria de programmas chi promovent ativamente s'imparu de limbas e sa diversidade limbistica, ma s'UE non tenet boche meda in capitulu ca bi la ant sos istados singulos.