Lodovico Ligato

Lodovico Ligato (Rezu Calàbria, 15 de austu 1939 - Rezu Calàbria, 27 de austu 1989) est istadu unu polìtigu italianu, deputadu de sa Democratzia Cristiana e presidente de sos Caminos de Ferru Nassionales.

Ziornalista de sa Gazzetta del Sud zai dae su cumintzu de sos annos sessanta, in fatu assessore rezionale in Calàbria, est elèghidu a deputadu pro sa prima bia in su làmpadas de 1979 e elèghidu torra in su 1983, cando devenit segredàriu de sa Cummissione de Trasportos de sa Càmara. Su 15 de santandria de 1985, est numenalizadu presidente de s'Entidade de sos Caminos de Ferru Nassionales.

Imboligadu in su gasi naradu iscàndalu de sos lentolos de oro, in su santandria de 1988 fiat istadu custrìnghidu a demissionare dae sa presidèntzia de sos Caminos de Ferru.

Fiat istadu assassinadu a tiros de pistola in Bocale de Rezu Calàbria su 27 de austu de 1989, in un'impostada de creze mafiosa chi sos cumandadores sunt cussiderados esser Pasquale Condello, Santo Araniti, Paolo Serraino e Diego Rosmini, e s'isecutadore materiale Giuseppe Lombardo (totus cundennados a sentèntzia definitiva).

Paolo Iannò s'arrepèntidu, cullaboradore de su protzessu Olimpia 3, aiat decraradu chi su mortorzu suo fiat istadu amaniadu in duos addòvios, unu intre maju e làmpadas de 1989 intre Filippo Barreca (a pustis arrepèntidu), Paolo Serraino, Pasquale Condello, Diego Rosmini s'antzianu, Santo Araniti, Domenico Repaci e Antonino Modafferi, e s'àteru a inghìriu de unu mese e mesu prus a tardu intre Pasquale Condello, Domenico Araniti e àteras pessones.