Maputo

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

Coordinatas: 25°54′55″S 32°34′35″E / 25.915278°S 32.576389°E-25.915278; 32.576389

Bista aèrea de Maputo
Posidura in Mozambicu

Maputo (fintzas a su 1975 Lourenço Marques) est sa capitale e sa tzitade printzipale de Mozambicu. Est situada in su sud de su paisu, a s'oru otzidentale de sa baja de Maputo, in s'otzèanu Indianu, e a s'imbucada de su riu Tembe.

Sa tzitade amministrativamente costituit unu munitzìpiu chi disponet de unu guvernu elegidu e tenet dae su 1980 istatutu de provìntzia. Non tocat a dda confùndere cun sa provìntzia de Maputo, chi òcupat sa parte prus meridionale de su territòriu mozambiganu, escluende·nde sa tzitade de Maputo.

Su munitzìpiu tenet una superfìtzie de 300 km² e una populatzione de unos 1.114.000 bividores (istima de su 2004). Si partzit in chimbe distritos urbanos e duos distritos munitzipales (Ilha da Inhaca e Catembe). S'àrea metropolitana, chi incluet su munitzìpiu de Matola, capitale de sa provìntzia de Maputo, tenet una populatzione istimada dae 1.691.000 bividores.

Sa tzitade de Maputo contat unos cantos monumentos de importu pro sa cumprensione de s'istòria, non petzi de sa tzitade, si nono de su paisu in s'interi. Calicunos de is prus nodidos sunt sa Fortilesa, sa Domo Amarela (o "Domo Groga", chi leat su Museu Natzionale de sa Moneda), su monumentu a is mortos de sa Prima Guerra Mundiale e su Museu de Istòria Naturale de Mozambicu.

Àteros progetos[modìfica | modìfica su còdighe de orìgine]