Mare Càspiu

Dae Wikipedia, s'entziclopedia lìbera.


Artìculu in LSC

Coordinadas: 42°00′N 50°30′E / 42°N 50.5°E42; 50.5

Bista dae unu satèllite

Su mare Càspiu (in russu: Каспийское море, Kaspijskoe more; azeru Xəzər dənizi, persianu دریای خزر daryā-ye xazar, kazacu Каспий теңізі, Kaspij Tengizi, turkmenu Hazar deňizi) est unu mare serradu chi ocupat sa parte prus fundura de una depressione intre Àsia e Europa, sa Depressione càspica, chi faghet parte de sa manna depressione aralocàspica.[1] Est sa massa de abba interiore (lutone endoreicu) prus manna de su mundu, cun una subrafache de 371.000 km² (chene inclùere su lagu de Garabogazköl) e unu volùmene de 78.200 km³[2] cun caraterìsticas a comunu tantis cun is mares comente cun is lagos. A s'ispissu est cunsideradu su lagu prus mannu de su mundu, cun totu chi no est de abba durche si nono salida.[3][4] Tenet numerosas ìsulas, sa prus manna de is cales est sa de Ogurja Ada, chi tenet 47 chilòmetros de longària; a manu de su norte sa majoria de is ìsulas sunt minores e disabitadas.

Geografia[modìfica | modìfica su còdighe de orìgine]

Su mare Càspiu est sa massa majore de abba continentale de su mundu e chi ddu cunsideramus che lagu rapresentat intre su 40 e su 44 pro chentu de su totale de is abbas lacustres de su mundu.[5] S'agatat inghiriadu dae Rùssia in s'ovest, s'Azerbaigian in su sud-ovest, de s'Iran in su sud, de su Turkmenistàn in su sud-estu e dae su Kazakhistan in su norte e in s'estu, in ue s'agatant is istepas de s'Àsia Tzentrale. A su sud-ovest de su Càspiu b'ant is montes de su Càucasu, e in su sud su massitzu de s'Elburz. In sa costera orientale, in su Turkmenistàn, tenet un'intrada manna in forma de golfu narada Garabogazköl.

Notas[modìfica | modìfica su còdighe de orìgine]

  1. http://www.enciclopedia.cat/fitxa_v2.jsp?NDCHEC=0015808&BATE=mar%2520C%25C3%25A0spia[ligàmene interrùmpidu]
  2. http://www.worldlakes.org/lakedetails.asp?lakeid=8762
  3. http://www.caspianenvironment.org/caspian.htm
  4. ESA: Observing the Earth - Earth from Space: The southern Caspian Sea http://www.esa.int/esaEO/SEM5GYTLWFE_index_0.html
  5. Caspian Sea Facts http://www.interestingfacts.org/fact/caspian-sea-facts