Mudulea

Custu artìculu est iscritu in sa grafia

logudoresa

. Abbàida sas àteras bariedades gràficas:

Sa mudulea est su mudìmine subra de unu crìmine, siat pro interesses de comodidade o torracontu, o tando causada dae timòrias e reselos, in manera a imbarare sa busca e su castigamentu de su curpàbile.

Etimolozia

Sa paraula derivat craramente dae su sustantivu ”mudìmine”, sende in ie pro inditare s'intentu de abarrare mudu e no narrer nudda de su chi s'ischit.

Impreu

In Sardinna e in Itàlia, su tèrmine si referit mescamente a sa custumàntzia presente in sa màfia e sas organizaduras criminales in zenerale, narada finas leghe de su mudìmine, pro custu si devet mantenner su mudìmine a pitzos de su testimòniu de unu crìmine e su nùmene de su responsàbile de unu mortorzu, in manera chi a pessigher custu ùrtimu non siat sa zustìssia legale de s'Istadu, si nono petzi, eventuarmente, sa bindita de su lesiadu.