Nausicaä de sa Badde de su Bentu

Dae Wikipedia, s'entziclopedia lìbera.
Jump to navigation Jump to search

Flag of Sardinia, Italy.svg
Articulu in LSC
Flag of Sardinia, Italy.svg

Nausicaä de sa Badde de su Bentu (風の谷のナウシカ Kaze no tani no Naushika) est un'anime de su 1984 chi at iscritu e dirigidu Hayao Miyazaki, pighende istoria dae su manga chi tenet su matessi nòmene. Su cartone est unu contu de genere post-apocaliticu cun atzentos ambientalistas, tantu chi lu aìat fatu bìdere su WWF cando fiat essidu pro sa prima bia. Mancari chi lu apant pentzadu innantis de àere fundadu su Studio Ghibli, a s'ispissu su film si tenet in cunsideru comente chi siat su primu film suo. Tra sos premios e reconnoschimentos, at bintu s'Anime Grand Prix chi aìat promòvidu su paperi Animage in su 1984.

Su film narat su contu de Nausicaä, printzipedda giòvana de sa Badde de su Bentu, chi est in mesu in una pelea contra a su Regnu de Tolmechia, chi punnat de torrare a fàghere funtzionare un'arma antiga pro nche bogare unu padente populadu dae babautzos gigantes. Sa printzipedda in chistione, tando, at a chircare de istaculare a sos tolmechianos non faghende afutare custas criaduras.