Niamey

Dae Wikipedia, s'entziclopedia lìbera.

Coordinadas: 13°30′54″N 2°07′03″E / 13.515°N 2.1175°E13.515; 2.1175


Artìculu in LSC

Niamey
Posidura in Niger

Niamey est una tzitade de 665.918 bividores, capitale de su Niger. Est sa tzitade prus importante, dae una banda a s'àtera de su riu Niger. Est unu tzentru amministrativu, culturale e econòmicu in una regione agrìcula in ue si cultivant pistàtzos de terra e tenent indùstrias manufaturieras de matones, tzeràmica, tzimentu e tessìngios.

Niamey fiat fundada fortzis in su de 18 sèculos, ma no at comintzadu a achirire importàntzia fintzas a cando is frantzesos ddoe aiant criadu unu distacamentu coloniale in sa dècada de 1890, creschende in presse fintzas a si cunvertire in una localidade nòdida. In su 1926 fiat fata capitale de su Niger, e sa populatzione fiat incrementada gradualmente, dae is 3.000 bividores de su 1930 fintzas a is 30.000 de su 1960, is 250.000 de su 1980 e, segundu carchi istima, is 800.000 de s'annu 2000. Sa càusa printzipale de custa crèschida de populatzione est istada s'immigratzione dae is campos in tempos de sicàngia.

Intre is puntos de interèssiu vàrios de sa tzitade s'agatat su Museu Natzionale de su Niger, chi incluet unu parcu zoològicu, unu museu de architetura populare, unu tzentru de artesania e espositziones vàrias, intre is cales is dedicadas a carenas de dinosàuros e a s'àrbure de su Ténéré. Puru s'agatant is tzentros culturales nigerinu, frantzesu e americanu, duos mercados printzipales e una pista de cumbata traditzionale.

Sa tzitade puru est sa sede de s'Aeroportu Internatzionale Diori Hamani, sa diòtzesi de Niamey, s'Iscola Natzionale de Amministratzione, s'Universidade Abdou Moumouni de Niamey (situada a s'oru sinistru de su riu) e numerosos istitutos, comente su Tzentru Numèricu de Niamey, s'Istitutu de Chirca e Isvilupu, s'Istitutu Hidrològic, etz

In su nadale de su 2005 ddoe ant tentu logu is Giogos de sa Francofonia.

Àteros progetos[modìfica | modìfica su còdighe de orìgine]