Ninja Gaiden (videojocu de su 2004)

Articulu in nugoresu

Ninja Gaiden est unu videojocu de atzione in 3D, prubicau in su 2004 petzi pro Xbox. Affacch'e paritzos atteros titulos, su jocu fachet parte de sa sèria de Ninha Gaiden, chi bìet che protagonista su ninja Ryu Hayabusa.

Approfettande de sa (tando) manna potentzia tènnica de Xbox, su Team Ninja aìat isseperàu de tòrrare a propònner sa formula classica de sos jocos de atzione "annos '90" ind una bèste nova, arribande a isvilupare custu titulu chi, sicund'a sa critica, est unu de sos menzus action-game de tottus sos tempos. Cando fit essìu, Ninja Gaiden aìat tentu tzoccamànos pro sa grafica sua, chi tando fachìat abberu ispàntu, unìa a una jocabilidade chi fit bèlle a s'istàdiu de perfetzione. Su sutzèssu de Ninja Gaiden fit tantu mannu, chi su Team Ninja aìat sichìu a nde fàcher atteros in forma de sequel e duos remake.