Nintendo

Dae Wikipedia, s'entziclopedia lìbera.


Articulu in nugoresu

Su simbulu.

Sa Nintendo Company Ltd. (任天堂株式会社 Nintendō Kabushiki gaisha?, Nintendō sotziedade pro atziones) est una populare siènda giapponesa (una de sas prus mannas in intro de su Giappone) chi prodùit videojòcos e console.

Tenet un'istòria longa: l'at fundada in su 23 de Capidànne de su 1889 Fusajiro Yamauchi; a s'incomìntzu de sos annos 80 sa Nintendo est colada a jocos elettronicos dae cussos de cartas e meccanicos chi bi fit ispetzialitzàda prima. Mancari chi siat intrada in su mundu de sos videojocos in su 1975 sende sa cumpartidòra de sa console Magnavox Odyssey, in su 1977 at cumintzau a nde facher issa etottu de suas. Pro mòre de s'enorme sutzessu chi at tentu in patria, in su 1985 Nintendo fit cròmpia in su mercau de s'America de su Nord e s'annu ch'intrabat a pùstis fit arribada in Europa puru.

Pèri tottu s'istoria sua sa Nintendo at fattu ses console: su Famicom/NES, su Super Famicom/SNES, su Nintendo 64, su Nintendo GameCube, su Wii e su Wii U. In prus nd'at fattu fìntzas de butzàca, comente sete variedades de Game Boy, bàttoro de Nintendo DS, tres de Nintendo 3DS (3DS, 3DS XL e 2DS), su Virtual Boy, sos Game & Watch, sos Pokémon mini e sos Nintendo Mini Classics.

Nintendo at prubicàu prus de 500 jocos, a s'ispissu traballande chin atteras sièndas pro su chi pertòcat s'isvilùpu. In trint'annos sa Nintendo at bèndiu prus de 577 miliones de console e unos 3,5 miliardos de copias de videojocos chi issa aìat isvilupau. In su 23 de Capidanne de su 2009, Nintendo at festàu su chentubintèsimu annu de vida sua.

Sa mascotte de sa Nintendo est Mario, unu pessonàzu chi at imbentau in su 1981 Shigeru Miyamoto pro su videojocu arcade Donkey Kong.

Ligàmenes esternos[modìfica | modìfica su còdighe de orìgine]

(EN) Situ ufitziale, in nintendo.com.

Controllu de autoridadeVIAF (EN145603854 · ISNI (EN0000 0004 0490 5456 · BIBSYS (EN90574067 · BNF (FRcb13980292t (data) · CiNii (JAENDA16091898 · GND (DE4320784-4 · LCCN (ENn80155453 · MusicBrainz 05e536dd-abaa-4e87-b9c0-678eb59c38c8 · MusicBrainz d6404fef-42d9-4b4f-8853-02ffd71433ca · NDL (ENJA00644798 · NLI (ENHE002133508 · NLK (KOKAB201900714 · SNAC (ENw69m9scp · SUDOC (FR084163453 · WorldCat Identities (ENn80-155453