Nobenarju

Articulu in nugoresu

Sas cumbessias de su nobenarju in sa cresia de Santa Cristina (Aristanis).

Sos nobenàrjos, in sa tradissione populare e sacra de sa Sardigna, sun locos in ube sos de parìtzas biddas si atobiàban, a tundu de unu santuàrju in campagna, pro nove dìes in àntis de sa festividade religiosa; in ìbe sos ligàmines comunitarios si istringhìan in sas goi nàdas cumbessìas o muristenes, atteros lùmenes pro inditàre sos santuarjos chi, a s'ispìssu, benìan isseperàos comente locu de atòbiu pro sa bisùra meravizòsa de su paesàzu. Custu periodu fit tempus de festa, in ube si ponìat accabbu - pètzi pro cussas nove dìes - a su traballu de cada zorronàda. Custa tradissione, chi b'aìat chin meda probabilidade dae s'epoca de dominassione bizantina (seculu de VI-VII), che at ingurtìu sos cultos de fertilidade chi ziràban in supra de predas sacras.