Nonnu e nonna

In unos cantos ritos de su catolighismu, su nonnu e sa nonna sunt sas figuras, masculinas e femininas respetivamente, chi acumpanzant a s’artare su fizolu, o siat su chi, pitzinnu o adurtu, est a probe de retzire su batijare. In su primu casu, cando su chi si devet batijare est pitzinnu, tenent sa tarea de pronuntziare in logu suo sas promissas batijarales; si est adurtu, tenent sa tarea de l’assister in s’initziadura sua a sa bida cristiana. Ambos devent esser de relizione cristianu-catòliga, aer retzidu su sagramentu de sa cunfirmadura e aer cumpridu 16 annos. Finas pro sa cunfirmadura, su chi si devet cunfirmare devet esser assistidu dae unu nonnu o una nonna, cun sa tarea de fagher in manera chi sa pessone chi at a retzire su sagramentu si cumportet de “testimonzu beru de Cristos”. Su nonnu devet esser cunfirmadu. Est custumàntzia no codifigada chi sos òmines siant acumpanzados a s’artare dae unu nonnu e sas fèminas dae una nonna. S’impreu naradu derivat dae su fatu ch’intre su nonnu e nonna e fizolu naschiat sa “cognatio spiritualis”, cussiderada impeigu dirimidore pro su cojuiu.

S’impreu de sos tèrmines nonnu e nonna in su sinnìfigu respetivu de “zaju, minnannu” e “zaja, minnanna” est incurretu e custìtuit un’italianismu a evitare.