Okinawa

Dae Wikipedia, s'entziclopedia lìbera.

Coordinatas: 26°29′N 127°57′E / 26.483333°N 127.95°E26.483333; 127.95

Nùgoro-Istemma.png
Articulu in nugoresu
Nùgoro-Istemma.png

Okinawa in sas isulas suas

Okinawa est s'isula prus manna de tottu su agorru suo e de cussas Ryukyu, a como politicamente parte de su Giappone.

S'isula si isterret pro 1.201.03 kilometros e est attesu dae su Giappone pro unos 640 km. Sa tzittade Naha si atzappat in isula e est su capu de locu de sa meria intrega.

Okinawa at colau un'istoria, mancari currelada, ma de cada manera a divessu dae su Giappone, dae s'anticorju a su rennu indipendente Ryukyu, chi pacabat tributos a Tzina e Giappone, fintzas a cando s'urtimu non si lu at picau pro manu militare in su 1879; dae tando, su Giappone at chircau de de che bocare dae sa conca de sa zente limba e curtura de Okinawa, pro nche la assimizare a su restu de su Giappone.

S'isula de Okinawa est mentovada ca at fattu de terrinu a sa battalla sambenosa meda de su Pacificu in su 1945, chi est costada sa bida a unu in supra battor de tottu sa populassione de s'isula. Cando su Giappone fit bintu, sos americanos an mantesu s'isula fintzas a su 1972 comente colunia; comente in Sardigna, bi at galu una presentzia forte meda de militares istranzos chi fachen dannu a s'ambiente e a sa zente (paritzos sun sos rapportos de violentzia dae parte americana a sa comunidade locale).

Aggantzos de fora[modìfica | edit source]