Omosessualidade

Dae Wikipedia, s'entziclopedia lìbera.


Artìculu in LSC

Bandera sìmbulu de s'orgòllu omosessuale

S'omosessualidade est una variante naturale de su cumportamentu umanu chi cumportat s'atratzione sentimentale e/o sessuale cara a individuos de su matessi sessu o gènere.

Paris a sa bisessualidade e s’eterosessualidade, s’omosessualidade est una de is tres categorias printzipales a intru de su continuum eterosessualidade-omosessualidade. Is iscientìficos no connoschent is càusas pretzisas de is orientamentos sessuales, ma creent chi funt causados dae un’interatzione imbusticada de genètica e influèntzias ormonales e ambientales e no dae una scèbera: no b’at evidèntzia chi amustrat chi is genitores o esperièntzias de su primu minòriu tèngiant influèntzia in s’orientamentu sessuale.

Mancai calincunu creat chi s’omosessualidade siat un’atividade contranatura, sa chirca iscientìfica at aclaradu chi est una variante naturale de sa sessualidade (umana e animale) e no cumportat dannu o efetos psicològicos pro sa persona o is àteros.

Is relatziones e is atos omosessuales s’ant amiradu e cundannadu in totus s’istòria a segunda de sa cultura e de sa sotziedade. Dae s’acabu de su sèculu 19° s’at atziadu unu movimentu globale pro amanniare sa visibilidade, s’arreconnòschida e is deretos legales pro is personas omosessuales, incruende su deretu a sa coja e a s’unione tzivile, s'adotzione, su traballu, su serbìtziu militare, a s’atzessu pare a s’asistèntzia sanidaria e pro s’intrada de leis contra su bullismu a is minores gay.

Àteros progetos[modìfica | modìfica su còdighe de orìgine]