Otaku

Dae Wikipedia, s'entziclopedia lìbera.
Jump to navigation Jump to search

Nùgoro-Istemma.png
Articulu in nugoresu
Nùgoro-Istemma.png

Otaku fachènde fotografìas a trenos ind unu evèntu de istatziònes (Tokyo).

Unu otaku (おたく), foras de su Giappone, est connòttu pro èsser una pessòne chind unu interèssu marcàu pro anime e manga. In Giappone etottu, peròe, su favèddu tènet connotassiòne negativa meda e bòlet inditare a una pessòne chi pro s'interèssu suo bi tènet una vera e propria ossessione e pro chi bi àndat maccu: bi pòdet èsser s'otaku de sas macchinas, de sa musica, de sos computer e gai sichìnde. Su vocabulu a Ponènte, imbètzes, est colàu a bòler nàrrer "amantiòsu de manga/anime" e bo'. In Giappone su favèddu est prus chi àtteru negativu ma oje in dìe, sicomènte an dàu bìda a una subcurtùra chi est a fundamèntu de su mercàu de intertenimèntu giapponesu, bi at zènte in cùghe puru chi si nàrat "otaku" chin fierèsa. A Ponènte sa paràgula pòdet èsser bona o mala, a secundu de chie la imprèat.

"Otaku" bènit dae su giapponesu (o, una partichèdda onorífica) + (taku, dòmmo): si impreàbat comènte pronùmene de secunda pessòne singulàre tra amantiòsos de fotografìa, chi sa zente bidìat sèmper sotzialmènte "pacu abbìstos", reservàos e ossessionàos dae s'interèssu issòro: dae cùghe, chin cussu sinnìficu negativu, sa paràgula est in imprèu pro calesisìat tènzat unu carchi interessu pacu sanu. Unu istereòtipu de otaku est s'òmine chi est sèmper in dòmmo, isfainàu de su tottu, e non tènet perùnu amìcu chi non sìat otaku che a issu. A còmmo, pro distìngher su sinnìficu modernu dae cussu anticu, sa paràgula est iscrìtta o in hiragana (おたく) o katakana (オタク).