Pankow

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

Munitzìpiu de Pankow

Pankow //'paŋko:/:/[1] est unu bighinadu (Ortsteil) de Berlinu. Dae su puntu de annotu amministrativu, apartenet a s'omònimu distretu (Bezirk).

Geografia fìsica[modìfica | modìfica su còdighe de orìgine]

Pankow s'agatat in sa zona setentrionale de sa tzitade. Andende dae nord in sensu oràriu, cunfinat cun is bighinados de Niederschönhausen, Französisch Buchholz, Blankenburg, Heinersdorf, Weißensee, Prenzlauer Berg, Gesundbrunnen e Reinickendorf.

Istòria[modìfica | modìfica su còdighe de orìgine]

Pankow (chi pigat su nùmene suo dae su riu Panke chi ddu rugrat) fiat in orìgine una biddighedda agrìcula a nord de Berlinu. In su de XVII sèculos est istadu fraigadu acanta a issu su casteddu de Schönhausen. In is sèculos imbenientes Pankow est essidu unu logu de vacàntzia apretziadu dae is classes benestantes berlinesas, cun su fràigu de numerosas villas e parcos (de interessu, su Bürgerpark).

In su de XIX sèculos s'industrializadura at ammanniadu s'isvilupu edilìtziu, ma de caràtere proletàriu e burghesu-minore. Su fràigu de domos de afitu, cara a sud, dd'at ligadu in manera lestra cun is bighinados setentrionales de Berlinu (Gesundbrunnen, Prenzlauer Berg). In su 1920 Pankow est istadu inserradu in sa "Berlinu Manna", intrende a fàghere parte de s'omònimu distretu (Bezirk). A su tempus de sa partzidura de sa tzitade (1949-1990), su bighinadu de Pankow fiat cunsideradu, cun Niederschönhausen, su prus de importu de su setore orientale.

Perìodu de sa RDT[modìfica | modìfica su còdighe de orìgine]

In su 1949 su casteddu de Schönhausen est istadu seberadu comente a sede de sa presidèntzia de sa Repùbblica Democràtica Tedesca. In is bighinados de Pankow e Niederschönhausen si nde sunt tramudadas pro custu numerosas sedes de ambasciadas e entes guvernativos. Fintzas numerosas villas sunt istadas assignadas a notàbiles de su partidu.[2]

Monumentos e logos de riellu[modìfica | modìfica su còdighe de orìgine]

Sa crèsia (Dorfkirche)
Crèsia (Hoffnungskirche)
  • Crèsia de su de XV sèculos (Dorfkirche)
  • Munitzìpiu de Pankow
  • Bürgerpark Pankow, parcu pùblicu

Infrastruturas e trasportos[modìfica | modìfica su còdighe de orìgine]

Caminos[modìfica | modìfica su còdighe de orìgine]

Is rugas printzipales sunt: sa Berliner Straße (B 96a), sa Breite Straße, sa Damerowstraße, sa Kissingenstraße, sa Mühlenstraße (B 96a), sa Pasewalker Straße (B 109), sa Prenzlauer Promenade (B 109), sa Schönholzer Straße (B 96a), sa Wisbyer Straße e sa Wollankstraße.

Ferrovias[modìfica | modìfica su còdighe de orìgine]

Ddoe at is istatziones de sa metropolitana de Berlinu Pankow (lìnia U2, posta cun sa S-Bahn) e Vinetastraße (lìnia U2) e is istatziones de sa S-Bahn Pankow (Garbátyplatz, lìnias S2 e S8, posta cun s'U-Bahn), Pankow-Heinersdorf (lìnias S2 e S8) e Wollankstraße (lìnias S1, S25 e S85).

Galleria de immàgines[modìfica | modìfica su còdighe de orìgine]

Riferimentos[modìfica | modìfica su còdighe de orìgine]

  1. (DE) Mangold, Max 1922-2015, Duden, Aussprachewörterbuch [unerlässlich für die richtige Aussprache ; Betonung und Aussprache von über 130000 Wörtern und Namen ; Grundlagen der deutschen Standardaussprache ; ausführliche Aussprachelehre], 6., überarb. und aktualisierte Aufl, ISBN 978-3-411-04066-7, OCLC 314547239. URL consultadu su 6 nadale 2020.
  2. (DE) Die Geschichte Pankows, in www.berlin.de, 26 maju 2017. URL consultadu su 6 nadale 2020.

Ligàmenes esternos[modìfica | modìfica su còdighe de orìgine]