Pantasima

Dae Wikipedia, s'entziclopedia lìbera.
Jump to navigation Jump to search

Nùgoro-Istemma.png
Articulu in nugoresu
Nùgoro-Istemma.png

Immazine de unu pantasima, comente si credet chi siat.

Su pantàsima o pantàsma (dae su grecu φάντασμα, phàntasma) est un'essere folkloricu propriu de contos e paristòrias. Est una presentzia chene corpus, chi a s'ispissu tenet calicunu elementu inchietante (chene conca, ancas o pedes, e gai sichinde). Sos elementos inchietantes non si firman inoche, ma sichin fintzas chin atteros comente s'ora (a su solitu a de notte), su locu (campusantu), etz.

Su faveddu "pantasima" benit dae su grecu anticu φάντασμα, chi benit dae su verbu φαντάζω (phantàzo, "ammustrare": dae sa radìchina φαν-, chi esprimit sa bidea de su "cumpàrrer" e de su "pònner in mustra") tenìat su sinzìficu de "cumparta" e petzi chin su tempus at picàu cussu suprannaturale pro indittare sa cumparta de unu mortu. Su pantasima est una fregura chi torrat a cumpàrrer in sa traditzione populare (folklore) e literaria de belle tottus sas tziviltades. In sa traditzione orientale e in cussa greca e romana, sa cumparta de pantasimas non si assotziat a su sentidu de timoria.

Su pantasima est unu pessonazu tipicu de sa litteradura fantastica e de s'orrore. Unu esempiu fentomadu si podet acattare in s'Amletu de William Shakespeare. In sos contos goticos e horror, su pantasima istat a s'ispissu in casteddos e domos betzas. In medas contos pro pitzinnos, su pantasima podet tènner unu rolu positivu.