Passaportu

Dae Wikipedia, s'entziclopedia lìbera.

Unu passaportu est unu documentu de identidade formale o una tzertifigadura emìtida dae unu gubernu nassionale ch'ìdentìfigat, normarmente peroe no netzessariamente, su titulare comente unu tzitadinu de cussu Istadu particulare e dimandat su permissu, in su nùmene de sa soberania o gubernu de s'Istadu emitidore, de intrare e colare peri àteros Istados. Sos passaportos sunt relassionados cun su deretu de proteghidura legale in logu istranzu e su deretu de ghirare a s'Istadu de sa nassionalidade pròpia. Sos passaportos, a s'avesu, cuntenent sa fotografia de su titulare, sos datos suos identifigativos, sa sinzadura sua, sa nassionalidade e, a bias, àteros mèdios de identifigadura individuale. Medas Istados sunt isvilupende propiedades biomètrigas pro sos passaportos issoro pro poder cunfirmare cun seguràntzia prus manna chi sa pessone chi presentat su passaportu nde siat su titulare lizìtimu.

Unu passaportu, a s'avesu, est netzessàriu pro biazare a logu istranzu, dadu chi normarmente devet esser amustradu in sa làcana, mancari esistant acordos particulares intre nassiones cunforme a sos cales sos tzitadinos podent impreare finas àteros documentos de identidade.

Podet esser tamponadu cun bistos emìtidos dae sa nassione istranzadora chi autorizant s'intrada. Unos cantos gubernos totalidàrios chircant de cuntrollare su moimentu de sos nassionales issoro emitende passaportos narados “passaportos internos”: pro isempru, in s'Unione Sobiètiga antiga, s'emitiant passaportos internos narados “propiski” a totu sos tzitadinos pro cuntrollare su moimentu issoro in intro de sas fronteras de su paìsu.

Sende documentos de identifigatura, sos passaportos sunt suzetos fitianu a fura e farsifigadura.

Pro poder intrare a unos cantos Istados, no est bastante chi su passaportu non siat passadu, si nono chi devet tenner balidesa residuale de 3 o 6 meses a s nessi, o puru si dimandant s'aponidura de un'autorizadura tempurana a s'intrada a s'Istadu a ue si disizat biazare, numenada bistu de intrada e redassada dae ambassadas e consulados e a bias finas in sa làcana de intrada. Tocat duncas a s'informare in antis de moer a Istados chi non pertenent a s'Unione Europea si, mancari su passaportu siat galu bàlidu, sa passadura sua non siat demasiadu probiana pro realizare su biazu.