Pedru Pisurzi
Limba Sarda Comuna. Abbàida sas àteras bariedades gràficas:
| Pedru Pisurzi | |
|---|---|
| Nùmene intreu | Juan Maria Demela Pisutzu |
| Nàschida | 1707 Bantina |
| Morte | 1796 Bantina |
| Natzionalidade | sarda |
| Traballu | poeta e religiosu |
Juan Maria Demela Pesucciu o Pisutzu, connòschidu comente Pisurzi (e, pro isbàlliu, comente Pedru Pisurzi) (Bantina, 1707 - Bantina, 1796) est istadu unu poeta e religiosu sardu.
Biografia[modìfica | modìfica su còdighe de orìgine]
Su nùmene de custu poeta sardu in sa forma Pisurzi o Pesuccio (Pedru), est su frutu de un'identificatzione mala fata dae su primu biògrafu Pasquale Tola[1], comente ant naradu dae tempus meda unos cantos istudiosos e a ùrtimu, cun documentatzione e argumentos medas, Giancarlo Porcu[2]. A s'anàgrafe, su poeta, vitzepàrrocu de Bantine, resurtat èssere Juan Maria Demela, a bortas acumpangiadu dae unu sambenadu de duos iscritu cun una variedade manna de formas, intre sas cales sas prus fitianas sunt: Pesuchu (sighende sa grafia ispagnola de su tempus), Pesucciu o Pisuçu (chi est ecuivalente a Pisutzu in s'iscritura moderna de su sardu). Est su de duos sambenados de su babbu de su poeta (Salvadore Demela Pisuçu). Su nùmene Pedru est istadu, in realidade, de unu frade minore de su poeta, nàschidu in su 1724 e mortu in fascas, mutidu Pedru Maria Pisuciu in s'atu de batiare chi ant iscambiadu pro cussu de su poeta.[3] S'ùnica forma legìtima pro mutire s'autore restat duncas su sambenadu Pisurzi ebbia (dae su sardu pisurtzi), base etimològica de sos adatamentos Pesucciu/Pisucciu e Pesutzu/Pisutzu.[4]
De Pisurzi ant tramandadu 19 cantzones e poesias chi si pensat chi siant autènticas: 9 chi apartenent a sa vulgata trasmìtida in sas regortas curadas dae Giuanne Spano[5]; sas àteras 10 in iscobertas dae pagu dae Giancarlo Porcu e propònnidas in editzione crìtica.[6] Intre sos testos prus nòdidos si tzitant Cantone de susu cabaddareddu, S'abe, S'anzone, Cantone de sos ballos, Cantone de sas festas, Cando nos semus amados.
Riferimentos[modìfica | modìfica su còdighe de orìgine]
- ↑ P. Tola, Dizionario biografico degli uomini illustri di Sardegna, Chirio e Mina, Torino 1838, vol. III, p. 104.
- ↑ G. Porcu, Le canzoni di Pisurzi, Il Maestrale, Nuoro 2017, pp. 23-25.
- ↑ G. Porcu, Le canzoni di Pisurzi, cit., pp. 23-24.
- ↑ G. Porcu, Le canzoni di Pisurzi, cit., pp. 28-31.
- ↑ G. Spano, Canzoni popolari inedite in dialetto sardo centrale ossia logudorese. Parte prima. Canzoni storiche e profane, Gazzetta Popolare, Cagliari 1863; e Appendice alla parte prima delle canzoni storiche e profane, Gazzetta Popolare, Cagliari 1865.
- ↑ G. Porcu, Le canzoni di Pisurzi, cit.
Bibliografia[modìfica | modìfica su còdighe de orìgine]
- (SC, IT) Giancarlo Porcu, Le canzoni di Pisurzi. Edizione critica, prefatzione de Paolo Porcu, Nùgoro, Il Maestrale, 2017, ISBN 978-88-6429-165-9, OCLC 1002084413.
| Controllu de autoridade | VIAF (EN) 15151110715137062279 · CIRIS (IT) 479 · GND (DE) 1144303044 · SBN (IT) CUBV172024 · WorldCat Identities (EN) 15151110715137062279 |
|---|