Polisessualidade

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Bandera de s'orgòlliu polisessuale

Cun su trèmene polisessualidade si definit s'atraida romàntica, s'atraida sessuale o sa conduta sessuale conca a prus de unu gènere, ma no in manera netzessària conca a totus issos, in sa matessi manera o cun sa matessi intensidade.

Sa polisessualidade e sa pansessualidade sunt fatu·fatu confùndidas pare·pare. De fatu sa pansessualidade incorporat s'atraida cun indipendèntzia dae su gènere, mentras chi sa polisessualidade ddu faghet conca a unu grupu variàbile determinadu. Est a nàrrere, ambas is sessualidades si cuntzentrant in sa pluralidade de su gènere umanu, ma mentras chi sa polisessualidade ddu faghet petzi conca a calincunu gènere, sa pansessualidade ddu faghet conca a totus o indipendentemente dae issos.