Prùssia (regione istòrica)

Dae Wikipedia, s'entziclopedia lìbera.


Artìculu in LSC

Mapa de is tribùs bàlticas in su 1200 p.C. Is tribùs orientales sunt inditadas cun tintas marrones, is tribùs otzidentales cun tintas birdes. Is tremenes de su territòriu de isparghidura sunt aprossimadas

Sa Prùssia antiga (in tedescu: Preußen, in polonesu: Prusy; in latinu: Borussia, Prutenia, Prussia) fiat una regione chi s'isterriat de sa costera sud-orientale de su mare Bàlticu fintzas a is lagos de sa Masùria, narada Brus in is cartas geogràficas de su de 8 sèculos.

Is istòricos cabudianos aiant iscerados is pòpulos prussianos che orientales; Tàcitu ddis naraiat Aestos. Fiat sinnialada galu in una relatada de Adalbertu de Praga, unu missionàriu cristianu mandadu de Boleslau I de Polònia pro ddos cunvèrtere, ma pois bochidu de issos etotu in su 997.

Is rastas archeològicas in Prùssia inditant chi is pòpulos prussianos biviant in ie a su nessi de su 2000 i.C. Faeddaiant variedades mannas de limbas, intre chi su prussianu antigu, apartenente a su grupu otzidentale de is limbas bàlticas.

In sa preistòria, sa parte orientale de s'àrea fiat ocupada de is bàlticos orientales, intames de is bàlticos otzidentales (intre custos is prussianos) chi biviant in sa Sàmbia e in is àreas de s'uestu. Is bàlticos otzidentales in su tempus diant formare sa natzione prussiana, is de oriente sa nazione lituana.

S'àrea de sa Prùssia oe est ispatzida intre sa Polònia setentrionale, s'exclave russa de Oblast de Kaliningrad e sa Lituània.