Presone de Regina Coeli

Dae Wikipedia, s'entziclopedia lìbera.
Jump to navigation Jump to search
Regina Coeli
Bista dae su Gianicolo

Sa presone de Regina Coeli (Domo Regrusòria de Roma Regina Coeli) est su penadorzu printzipale e prus cunnotu de Roma e, dae su puntu de bista amministrativu, est sa domo regrusòria de sa cabitale italiana.

Ubigada in s'arrodu de Trastevere, in su nùmeru 29 de via della Lungara (un'aderetu de numenada tzitadina trista e ispainada a unu tempus), s'agatat in unu cumparis edilìtziu remontende a su 1654, chi anteriormente fiat istadu sa sea de unu cumbentu; in su 1881, fiat istadu cumbertidu s'impreu atuale. Aiat retzidu su nùmene de s'istrutura reliziosa, chi difatis fiat dedigada a Maria, Regina Coeli.

A s'aguale de medas àteros penadorzos italianos, Regina Coeli tenet probremas sèrios de subraturmadura: atuarmente, istranzat unos 1.200 presoneris, cando chi sa cabida istandard diat esser intre 750 e 800.

Tradissiones pobulares[modìfica | modìfica su còdighe de orìgine]

S'ubigadura particulare de sa presone, zustu in pinna de su mògoru panoràmigu de su Gianicolo, rennet s'istrutura a curtzu a beru in lìnia dereta de unos cantos puntos de custa artura; sa barconada de su faru de su Gianicolo, pro narrer, distat petzi carchi deghinas de metros dae sas tzeddas de cuzone. A resone de custu, e nostamis de sa rizidesa de sos regulamentos presonales, fiat custùmene, finas a tempos meda reghentes, chi sos familiales de sos presoneris si reunirent in ie pro comunicare cun issos aboghinende.

Pro un'ispètzia de respetu caballerencu, fiat tradissione cunsolidada chi sas fortzas de seguràntzia no intervènnerent pro impeigher sas comunicaduras naradas, a cundissione chi su tràmunu bervale pertocaret efetivamente petzi sas noas importantes e de urzèntzia manna (peroe sos presoneris polìtigos in tempus de su fassismu aiant retzidu missadas in còdighe imbiadas in manera impersonale). In prus de custu, in su faru s'agataiant pessones de tonalidade poderosa chi, a bias bàrias, s'imprestaiant de badas a fagher de bogheris a contu de sas fèminas e, prus in zenerale, de chie si siat nde podet tenner eventualmente bisonzu; issos teniant aguarmente una funtzione ordinadora de su tràfigu de sas comunicaduras dae e chirru a sa presone. In manera assimizadora, in intro de s'istrutura, sas comunicaduras fiant imbiadas, arribende e moende, colende peri una tzedda ebia, ch'in sa pràtiga deveniat un'ischerriadorzu. Ant rodadu una pellìcula cun Pippo Franco, chi comunicaiat dae su Gianicolo cun unu parente inserradu in su penadorzu.