Presutu de berveghe

Su presutu de berveghe est unu de sos produtos prus tìpigos de sa coghina sarda. Derivat dae sa traballadura de sas mezus cossas de berveghe de rassa sarda, tenet forma illonghiada a pera de unos 50 cm., in colore tabachinu iscuru in sa superfìtzie e ruju murenu intensivu in sa petza, cun pesu bariàvile a s’agabu de s’istajonadura intre unu chilu e mesu e duos chilos.

Su perfume amentat su casu berveghinu. Est unu presutu a su sabore durche, particularmente agradàbile in su chelu de sa buca. Est cunsumidu unos ses meses a pustis de sa maduradura, peroe si est prefertu prus modde si podet cunsumire finas a pustis de tres o bator meses.