Prince of Persia (1989)

Dae Wikipedia, s'entziclopedia lìbera.


Articulu in nugoresu

Su printzipe de Persia (Prince of Persia in limba orizinale) est unu videojocu platform chi Brøderbund aiat prubicau a su cumintzu pro Apple II in su 1989, e battiu a pustis a sas ateras piataformas.

Sa critica e s'opinione cullettiva lu pompiaban che unu passu a innantis in sa calidade de s'animassione de sos videojocos. S'autore Jordan Mechner, pro cròmper a custu obiettivu, aiat impreau una tecnica de lumen rotoscoping istudiande pro medas oras su frade chi, postu a bistimenta arba, curriat e brinchittabat a manera de nde poder copiare sos movimentos. Un'atera novidade fit sa pelea: difatis su protagonista e sos inimicos suos gherraban chind un'ispada in manu e non, comente fit oramai sa moda de tando, a pallettones.

Prince of Persia lu aian prubicau issupra piataformas medas, in intro de sas cales s'Amiga, s'Apple II, s'Apple Macintosh, su MS-DOS, su Nintendo Entertainment System (NES), su Game Boy. In su 2007 est essia una versione fatta a novu chi si narat Prince of Persia Classic, e in su 2011 una vortada amatoriale est essia fintzas pro Commodore 64.

In su 1993 fit essiu su sichidore, prus pacu fentomau, Prince of Persia 2: The Shadow and the Flame.