Radiuistimadore

Dae Wikipedia, s'entziclopedia lìbera.

Su radiuistimadore, o radiuamadore, est un'isperimentadore, sena finalidade de profetu, de sos aparitzos e de sas comunicaduras radiufònigas intentadas in s'atzetadura prus ampra de su tèrmine.

Cumprimentos legales chi règulant s'atividade[modìfica | modìfica su còdighe de orìgine]

Su radiuistimadore, pro poder operare, devet superare un'esàmene iscritu, cumbocadu cun frechèntzia zenerarmente semestrale o annuale cunforme a sa Rezione respetiva, dae sas Ispetorias Territoriales Rezionales de su Departamentu de sas Comunicaduras de su Ministèriu de s'Isvilupu Econòmigu pro su logru de lissèntzias.

Cun su superamentu de s'esàmene, si cuntzedit su capatzitamentu ministeriale (naradu finas “lissèntzia”) cun su cale su radiuistimadore at a poder operare dae un'istassione radiuelètriga in sas frechèntzias e cun sas modalidades tènnigas pro sas cales est bàlidu su capatzitamentu antisfontomadu. Si non b'at elementos isfavoràbiles subra de sa pessone (pro narrer, antetzedentes penales de importu), est possìbile a retzire dae su Ministèriu etotu s'autorizadura zenerale a installare e impreare un'istassione sua pròpia, chi est identifigada in su mundu intreu in manera ùniga dae unu còdighe radiòfilu, isse puru assinnadu dae su Ministèru ch'identìfigat siat s'istassione siat su possedidore.

Su radiuistimadore etotu, bastughì possuat un'autorizadura zenerale a s'installadura de un'istassione, duncas at a poder prozetare, modifigare o fraigare intreamente sos radiuemitidores suos pròpios, a cundissione chi cumprant cun sas ispetzìfigas tènnigas apostivigadas dae su Ministèriu.