Raleigh

Dae Wikipedia, s'entziclopedia lìbera.
Jump to navigation Jump to search
Monumentu a sos Cunfederados, Raleigh
Posidura de Raleigh in sa Carolina de Nord

Raleigh est sa cabitale e sa de duas tzidades prus mannas de s’Istadu federale istadunidesu de sa Carolina de su Nordu, gasi comente su cabu de logu de su Contadu de Wake.

Raleigh est cunnotu comente “sa tzidade de sos chercos” pro sas numerosas àrvures suas de chercu. Cunforme a su Departamentu de Retzensimentu IAA, sa pobuladura abaliada de sa tzidade fiat in su 2.011 de 416.468 abitadores, in un’arzola de 370 chilòmetros cuadrados, su chi rennet atuarmente Raleigh sa de 42 tzidades prus mannas de sos Istados Aunidos.

Est finas una de sas tzidades a crèschida prus lestra de su paìsu. Sa tzidade de Raleigh zughet su nùmene de Sir Walter Raleigh, chi aiat istabilidu sa colònia pèrdida de Roanoke in s’ìsula a su matessi nùmene in intro de su Contadu de Dare de dies de oe, aguarmente posta in sa Carolina de su Nordu.

Raleigh, Durham e Chapel Hill rapresentant sas tres tzidades prus importantes de sa rezione metropolitana de Research Triangle. Su paranùmene rezionale de “The Triangle”, Su Triàngulu, aiat tentu s’orìzine sua a pustis de sa creassione in su 1.959 de su Research Triangle Park, ubigadu printziparmente in su Contadu de Durham, a sete chilòmetros dae su tzentru de custa ùrtima tzidade. Research Triangle Park faghet làcana in tres chirros cun sa tzidade de Durham e s’agatat a metade de caminu pagu prus o mancu intre sas tzidades de Raleigh e Chapel Hill, e tres universidades importantes de busca, a ischire sa NC State University, sa Duke University e s’UNC-Chapel Hill.

Su prus de Raleigh est situadu in intro de su Contadu de Wake, cun un’arrogu meda minore chi s’isterrit finas a intro de su Contadu de Durham. Sas biddas de Cary, Morrisville, Garner, Clayton, Wake Forest, Apex, Holly Springs, Fuquay-Varina, Knightdale, Wendell, Zebulon e Roseville sunt unas cantas de sas urbanizaduras e biddas satèllite prus importantes de Raleigh.