Rolu de gènere
Limba Sarda Comuna. Abbàida sas àteras bariedades gràficas:
Su cuntzetu de rolu de gènere faghet relatu a unu tipu de generalizatzione istereotipada chi cumportat su creìngiu chi òmines e fèminas tèngiant unu patrimòniu de caraterìsticas, cumportamentos e calidades diferentes determinados de su sessu dae sa nàschida.
Inditat su fatu chi esistent isetos sotziales particulares conca a sos indivìduos in funtzione de su gènere issoro. S'identificant fatores vàrios a s'orìgine de s'isvilupu de is rolos de gènere, e tenent un'influèntzia subra sa vida de sos indivìduos subra livellos diferentes. Dae s'àtera banda, is rolos de gènere si diferèntziant segundu is culturas e sas èpocas.
Su rolu, in generale, costituit unu modellu chi cumportat un'aspetu normativu e narat su chi un'individuu depet fàghere pro cumbalidare s'istatutu suo. Duncas inditat is tareas e is condutas chi un'indivìduu est previstu chi fatzat in funtzione de s'istatutu chi òcupat.
Pro su chi pertocat is rolos de gènere, s'esistèntzia issoro si fundat subra is diferèntzias intre is sessos in su cumportamentu sotziale. Is rolos de gènere sunt definidos dae sos isetos comunos in propòsitu de cumportamentos e de calidades chi s'àplicant a sos indivìduos in base a sessu issoro.[1] Sunt normas sotziales no istabilidas dae sa lege, chi is membros de unu grupu assumint de forma implìtzita e chi nde ghiant su cumportamentu.[2] Massimamente, pro mèdiu de custos cumbènnidos, si trassat una lìnia de conduta in sa manera de fàghere, pensare e sentire segundu su sessu.[3]
Sende chi su gènere implicat una discriminatzione sotziale intre òmines e fèminas, assignende rolos diferentes a cadaunu, su gènere est unu fatore chi creat inechidade pro sese, e chi podet arribare a peorare àteras cunditziones produtu de sa situatzione sotzio-econòmica, de s'edade, de s'etnia, de sa disabilidade, de s'orientamentu sessuale, etz."[4] Normas de gènere chìrdinas podent fintzas tènnere efetu negativu in is personas non-binàrias, transessuales e intersessuales, chi de su restu tenent riscos prus artos de padèssere de violèntzia, discrimintzione e istigmatizatzione.[5]
Riferimentos
[modìfica | modìfica su còdighe de orìgine]- ↑ (EN) Alice H. Eagly, Sex Differences in Social Behavior: A Social-role interpretation.
- ↑ (EN) Cialdini, Robert B. Trost, Melanie R., Social influence: Social norms, conformity and compliance., 1998.
- ↑ (EN) Lucia Albino Gilbert, Murray Scher, Gender and Sex in Counseling and Psychotherapy, 1999.
- ↑ (EN) WHO - Gender and health, in who.int.
- ↑ (EN) WHO - Gender and health, in who.int.