S'attaccu de sos Zigantes

Dae Wikipedia, s'entziclopedia lìbera.
Jump to navigation Jump to search

Nùgoro-Istemma.png
Articulu in nugoresu
Nùgoro-Istemma.png

S' Attaccu de sos Zigantes (進撃の巨人 Shingeki no Kyojin) est unu manga shōnen de horror e assiòne chi at fattu su mangaka Hajime Isayama. Kodansha lu at prubicàu in su paperi Bessatsu Shōnen Magazine e collìu a pustis in tankōbon.

Su manga contat de unu mundu in ube s'umanidade est belle ispèrdia: diffatis, su numeru est imminoricàu e podet viver petzi in intro de tzittades chi las inghìrian roccas enormes pro parare fronte a sos Zigantes, chi cada tantu si ispìttulian sos omines chene resone chi si podat pessare. S'istoria zirat in tundu a su zovanu Eren Jaeger e a sorre sua adottiva Mikasa Ackermann, chi si bìen cambiare de su tottu sa bida pro more de unu Zigante prus mannu chi ghìat sos atteros e si picat sa tzittade issòro, in ube che morit sa mama de sos duos zovaneddos.

S'Attaccu de sos Zigantes at tentu sutzessu a lestru meda dae cando est essìu a campu. In su 2010 fit tra sos 20 manga chi los an intitulàos pro su premiu Manga Taishō, at bintu su premiu Kodansha Manga Award de su 2011 in sa categoria "menzus manga pro mannittos" e est in s'editzione de sèichi pro su Premiu Curturale Osamu Tezuka.

De su manga bi est essìu fìntzas un'anime, chi at fattu Wit Studio traballande impàre a Production I.G e est direttu dae Tetsurō Araki.