Sa Spendula
Articulu in campidanesu
Sa spèndula de Biddexidru rapresentat un’atratzioni turìstica de importu pro sa bidda Biddexidru.
Cumposta de tres brincus, est formada de su traìnu Coxinas, chi apustis pigat su nòmini de Riu Seddanus. Su logu fiat istadu arremonau in d'una poesia de Gabriele D’Annunzio me in s'interis ca si ddoi agatat in sa bidda sarda. Asurta si podit ligi una tradusioni de sa poesia iscrita de D'Annunzio, in lìngua sarda:
‘Ntipias de luas, unu padènt’’e spina
mi ndi ‘èssint is arrocasa de ananti
che unu pòpulu stranu de gigantis
furriau a pèrda po matzina o incantu.
Trèmit sa murta aresti me in su bentu
e s’incrubat in s’aqua su leunaxi
che unu populu birdi: in mes’’e is perdas
ndi sciorrocant is aquas de Sa Spéndula.
Asuba s’àiri è ingruìu, e in s’umidori
de s’aqua ndi ‘éit u’’argur’’e milla fragus
de sa murta, de tumbu e nebidèdda.
In s’isca totu birdi su pastòri
che una statua de brunzu me in su mònti
mirat citìu imbuscinau in sa bésti.
(Reinterpretazioni in sardu de Salvator Angelo Spano (Bentus de su Cramu), 1882)
Acanta de s’artupranu de Oridda e su monte Linas, abarrant àteras tres ispèndulas, sa de su Riu Linas, sa de Piscina de Irgas e sa de Muru Mannu, posta me in d'unu tretu de birdi connotu comenti monte Mannu. S’ispèndula de Muru Mannu, assotziat a su territòriu de Biddexidru, est aintru de su territòriu comunali de Gonnosfanàdiga.