Santu Pedru de Silki

Creja de Santu Pedru de Silki

altare majore

Santu Pedru de Silki (Tatari). Si trattat de una creja e unu cunventu, unu tempu fora de Tatari e oe in tzittade. Sos istoricos Giuanne Frantziscu Fara e F. Vico ( sec. XVII) faeddant de unua creja e de unu monasteru fundados dae sa Mama de Mariano I de sa familia Lacon -Gunale in su 1112, ma fortzis sunt de sa segunda medade de su sec.XI. In sa creja si venerat sa Madonnna de sas Grascias. Est una istatuetta tardo gotica, de ceramica pintada de 30 cm.

Tenet in bratzos su Bambinu e ammuntada de unu manteddu mannu de colore crema, cun fiores. Custa Madonna est venerada meda dae sa popolatzione de Tatari. Una festa manna si tzelebrat l'ultima dominiga de maju. Sa creja est ricca de quadros.

Bi sunt duos retablos : su retablo majore cun cun divescias istatuas de santos frentziscanos. Un ateru retablo in sa cappella de Santu Salvatore de Horta, est obera de mastros locales (sec. XVII). Sa parte originaria de sa creja est romanica, e gai su campanile (sec. XII).

Esistit unu Condaghe de Santu Pedru de Silki ( sec.XI-XIII)in sardu, cunservadu in sa Biblioteca de s'Universidade de Tatari.