Saskatchewan
Coordinadas: 55°N 106°W / 55°N 106°W
Artìculu in LSC
Su Saskatchewan est una provìntzia de su Cànada otzidentale. Su cabulogu est Regina, sa tzitade prus manna Saskatoon.
Pigat nòmine de su printzipale frùmene chi bi colat.
Tenet istèrrida de 651.900 km² e populatzione de unos 1.034.000 bividores e allàcanat in su norti cun is Territòrios de su Norti-Uestu, in s'estu cun sa provìntzia de Manitoba, in su sud cun is istados USA de Dakota de Norti e Montana, in s'uestu cun sa provìntzia de Alberta. Est sa sola provìntzia canadesa a non tènnere bessida a mare impare a s'Alberta.
In antis de s'arribu de is europeos in s'àrea biviant giai populos nativos. Su primu europeu nodiu chi nd'apat atraessadu su territòriu, artziende·nche de su frùmene Saskatchewan, est istadu Henry Kelsey in su 1690.
Sa prima cussòrgia fiat imbetzes fundada de Samuel Hearne in su 1774 in su norti-estu de is làcanas atuales.
Est provìntzia de su 1 de cabudanne 1905.
S'economia est traditzionalmente acapiada a sa massaria, ma in die de oe est meda disvariada. Sunt fintzas isfrutadas is risursas de linnàmene e mineràrias: sa provìntzia est unu de is produtores majores de uràniu e potàssiu in su mundu. Fintzas s'estratzione de petròliu e gas naturale sunt fainas meda de importu.
Tzitades Majores
[modìfica | modìfica su còdighe de orìgine](tzitade, bividores)
- Saskatoon 202.340
- Regina 179.246
- Prince Albert 34.138
- Moose Jaw 32.132
- Yorkton 15.038
- Swift Current 14.946
- North Battleford 13.190
- Estevan 10.084
- Weyburn 9.433
- Corman Park No. 344 8.349