Sevilla

Artìculu in LSC

Posidura de Sevilla in Ispagna

Sevilla (pronuntziadu [seˈβiʎa]; localmente [seˈβiʝa]) est una tzitade de unos 700.000 bividores de s'Ispagna, cabulogu de sa comunidade autònoma de Andalusia e de sa provìntzia omònima.

Sa bidda, de orìgine iberu-pùnica, s'agatat in su chirru sud-otzidentale de s'istadu, in s'oru de su frùmene Guadalquivir. Si podet cunsiderare chi siat su tzentru artìsticu, culturale, finantziàriu, econòmicu e sotziale de su sud de sa natzione.

Sevilla est sa de bator tzitades de s'Ispagna a populatzione. S'àrea metropolitana contat unos 1,5 milliones de residentes.

Is numerosos monumentos, s'aèrgiu urbanu, is giardinos e s'istile de vida nde faghent unu logu turìsticu de fama mundiale. Sa Giralda, sa Seu, s'Alcázar e s'Archìviu de is Ìndias sunt decrarados patrimòniu de s'umanidade de s'UNESCO fintzas de su 1987.