Simbulu (Frantza)
Articulu in nugoresu
Su sìmbulu (fintzas connottu in bretone comente ar vuoc'h ) fit un'ozettu chi sas iscolas frantzesas impreàban pro nd'irradichinàre sas limbas de su locu, mascamente in Britannia, Paìsu Bascu, Catalugna de su Nord e Otzitania. S'ozettu in chisione podìat esser unu arròche de pedra aggantzàu a tucru, comente puru unu buttone o una pracca de linna.
Su mastru lu dabat a unu dischente cada vorta chi nde intendìat unu nande carchi paragula in su goi narau patois (vocabulu chi tenet sa matessi balèntzia de menisprèssiu chi sos italianos dan oje puru a cussa de dialettu, fintzas pro inditare limbas chi limbazos de su frantzesu e/o de s'italianu non lu sun pro nudda); su poberittu depiat cassare, pro si nde illiberàre, calicunu atteru fachende cussu chi at fattu issu prima. S'istudiante chi at àer tentu su sinzale a acabbu de lessione, finìat fachende o patinde carchi cosa de abberu umiliante, comente a esser picau in ziru dae tottu sa classe e frobbire sos pamèntos o èsser iscùttu dae su mastru etottu.