Singurto

Dae Wikipedia, s'entziclopedia lìbera.
Jump to navigation Jump to search

Flag of Sardinia, Italy.svg
Artìculu in LSC
Flag of Sardinia, Italy.svg

Su singurto est sa contratzione repìtida e involuntària de su mùsculu diaframma (contratzione mioclonica) chi si podet repìtere prus furriadas a su minutu. In meighina, est nòdidu fintzas comente a flutter diaframmatico sìncronu (FDS), o dae su latinu singultus, a indicare s'atu de caturare su respiru mentras si singurtat. Su singurto est un' atzione involuntària chi interessat un'arcu riflessu. Una bia ativadu, su riflessu pròvocat una forte contratzione de su diaframma sighida, belle 0,25 segundos a pustis, dae sa serrada de sas cordas vocales chi si traduit in su clàssicu sonu "hic".

Su singurto si podet averguare in unu sìngulu episòdiu o pro unu tzertu perìodu. Su ritmu de su singurto, o su tempus tra sos singurtet, tirat a èssere prus o mancu costante.

Un'atacu de singurto, in generale, si risolvet sena carchi interventu, fintzas si medas remèdios domèsticos benint s'ispissu impreados pro intentare de nde reduire sa durada. Su tratamentu mèdicu est a bias netzessàriu in sos casos de singurto crònicu. Difatis si persistet pro diversas oras, o si ripresenta tropu in manera fitiana, podet èssere un'indìtziu de carchi patologia. In piessigna, a tennere repìtidos atacos de singurto in sa matessi die, chi creschent de intensidade e si presentant cun ciclos de 1-2 oras, podet èssere indìtziu de unu scompenso a livellu epàticu o in manera rara (ma cun majore gravidade) renale.

Nòdidas[modìfica | modìfica su còdighe de orìgine]