Sitcom
Una cummèdia de situatzione (o sitcom, contratzione de s'inglesu situation comedy) est unu tipu de sèrie televisiva in ue si contant cun umorismu situatziones de vida de unos cantu personàgios[1]. A intro de is piessìnnios tìpicos issoro ddoe sunt s'inclusione de rìsidos registrados o reales (pigados dae su pùblicu chi assistit sa realizatzione in istùdiu), s'impreu de prus màchinas de presa, episòdios non prus longos de 30 minutos, episòdios indipendentes s'unu dae s'àteru e, comente règula generale, unu nùmeru limitadu de personàgios e logos. S'est isvilupadu me is annos 1960 in is Istados Unidos e oe est ancora rilevante.[2][3][4][5]
Istòria[modìfica | modìfica su còdighe de orìgine]
Sa prima cummèdia de situatzione de s'istòria est istada Pinwright's Progress, britànnica, in su 1946. Annos a pustis, sunt bènnidos I Love Lucy, cun Lucille Ball e Desi Arnaz a protagonistas, chi est incumintzada isceti comente a unu sketch a intro de unu programma, e a sa fine est essidu entidade indipendente.
Sa cummèdia de situatzione de atzione reale cun su prus nùmeru de episòdios est Ozzie e Harriet, mentres sa chi at tentu prus tempus in emissione est istada e est a die de freàrgiu 2024 Last of the summer wine. In s'animatzione, is duas marcas temporales sunt acreditadas a The Simpsons. Unas cantu sitcom intra is prus de importu e connotas sunt istadas: Seinfeld, The Office, Malcolm in the Middle, Friends, Full House, Modern Family, The Middle, Drake & Josh, iCarly, The Simpsons, How I Met Your Mother, Two And A Half Men, The Big Bang Theory e Futurama.
Pro cantu pertocat is òperas in limba sarda, faghet a agatare unos cantu elementos de sa sitcom in sa sèrie In su corru'e sa furca de su 2023.
Riferimentos[modìfica | modìfica su còdighe de orìgine]
- ↑ (IT) sitcom - Treccani, in Treccani. URL consultadu su 24 freàrgiu 2024.
- ↑ Depardieu dans une sitcom russe[ligàmene interrùmpidu], sitio digital 'La Russie d'Aujourd'hui', 10 de enero de 2014.
- ↑ Une sitcom tordante, sitio digital 'Aujourd'hui le Maroc', 26 de enero de 2002.
- ↑ Bill Cosby may return to TV in family sitcom, sitio digital 'USA Today', 22 de enero de 2014.
- ↑ Stephen Baldwin stars in new US faith-based sitcom, Rock and a Hard Place, sitio digital 'Christian Today', 7 de enero de 2014.