Taipei

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Bista subra Taipei

Posidura in s'ìsula de Formosa

Taipei (AFI: /taiˈpɛi/[1]; tzinesu: 台北市; Pe̍h-ōe-jī: Tâi-pak-chhī; pinyin: Táiběi Shì) est sa capitale e sa tzitade pajore pro populatzione (2.646.204 bividores) de Taiwan a fatu de Noa Taipei. Posta a s'estremidade setentrionale de s'ìsula, est una munitzipalidade ispetziale amministrada diretamente de sa Repùblica de Tzina (nodida comente a Taiwan). Est su tzentru de su cummèrtziu, de su guvernu e de sa cultura de Taiwan. Is fainas econòmicas printzipales sunt tzentradas subra indùstrias chìmicas, farmatzèuticas, metallùrgicas, siderùrgicas, mecànicas, chìmicas, eletrotècnicas, eletrònicas, tèssiles, alimentares, editoriales, de su paperi e de su fraigu de naes e mototzicletas.

Taipei est un'ammesturu de traditzione e de modernidade e s'architetura est su resurtadu de influèntzias architetònicas diferentes: de sa coloniale a sa tzinesa, pro colare a sa giaponesa e infines a sa cuntemporànea. Nointames nou e antigu si cojugant in manera armoniosa. Sa tzitade bantat templos magestosos, comente a su Templu de Lungshan, su prus antigu logu de cultu taoista de sa tzitade, su Templu de Kuantu e su tèmpiu cunfutzianu in ue ogni 28 cabudanni si festat s'anniversàriu de su naschimentu de su grandu filòsofu. Su ratachelu Taipei 101 at mantentu sa primatzia de fàbricu prus artu de su mundu fintzas a su 2009, cando est istadu propassadu in artària.