Tampa

Dae Wikipedia, s'entziclopedia lìbera.

Coordinatas: 27°58′15″N 82°27′53″W / 27.970833°N 82.464722°W27.970833; -82.464722

Flag of the Italian region Sardinia.svg
Articulu in LSC
Flag of the Italian region Sardinia.svg

Tampa, Flòrida
Posidura de Tampa in sa contea e in s'istadu de Flòrida

Tampa est una tzitade de unos 347.600 bividores de Istados Unidos de Amèrica, chi s'agatat in s'istadu de Flòrida, in ue est sea de sa Contea de Hillsborough.

Sa zona in ue oe istat sa tzitade est istada in antis bìvida de populos nativos. S'arribu de isproradores ispagnolos in su sèculu de 16 at tentu a cusseguèntzia una gherra violenta ma de durada curtza, e at prus a prestu betidu maladias europeas chi in is deghinas de annos a sighire ant iscantzelladu is nativos.

Is ispagnolos, chi aiant fatu de sa regione territòriu de sa Noa Ispagna, non si sunt mai acussorgiados in ie. Sa nàschida de una bidda de nòmine Tampa est depida a colonos anglo-americanos intames, in su 1824, cando sa Flòrida fiat giai istada comporada de is Istados Unidos.

Fintzas a su 1880 Tampa non contaiat prus de 800 bividores, ma gràtzias a sa colligadura cun sa lìnia ferroviària petzi binti annos a pustis nde teniat giai unos 30.000.

Tampa est oe parte de un'àrea metropolitana, sa Tampa Bay Area, de unos 2,8 milliones de residentes.