Televisione inteligente

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

Una TV inteligente

Cun televisione inteligente o smart TV ddi narant in manera cummertziale sa categoria de aparatos eletrònicos de consumu chi tenent comente piessìnniu primàriu s'integratzione de funtziones e de servìtzios ligados a internet a intro de aparatos televisivos.[1]

Piessìnnios[modìfica | modìfica su còdighe de orìgine]

Custos aparatos, pro mèdiu de su collegamentu a sa retze, oferint sa possibilidade de impreare servìtzios in lìnia destinados in orìgine a computadores personales, comente navigatzione internet, video on demand, Internet TV, multimedialidade, servìtzios in streaming, retzes sotziales, impreu de app, etc, mantenende o afortighende carchi caraterìstica de interatividade de is televisores e de is dispositivos ligados postos in cummèrtziu a pustis de sa nàschida de sa televisione digitale terrestre e satellitare.[2]

S'apellativu "inteligente" est istadu impreadu pro custa categoria de aparatos in analogia cun cantu acontèssidu in su mundu de sa telefonia mòbile cun s'arribu de is telefoneddos inteligentes (smartphone), est a nàrrere telèfonos tzellulares dotados de piessìnnios multimediales e interativos.

Sa tecnologia a sa base de su cuntzetu de smart TV podet èssere integrada a intro de s'aparatu televisivu o podet èssere agiunta pro mèdiu de set-top box, est a nàrrere dispositivos esternos chi ismànniant is funtzionalidades de is televisores traditzionales, o a intro de letores de discos òticos, cònsole de giogu, sistemas televisivos tzentralizados.

In prus, una TV inteligente podet èssere connètida a telefoneddos, tauleddas, elaboradores e àteru a manera de ddas impreare comente monitor.

Bibliografia[modìfica | modìfica su còdighe de orìgine]

Pàginas ligadas[modìfica | modìfica su còdighe de orìgine]

Riferimentos[modìfica | modìfica su còdighe de orìgine]

  1. (IT) Smart TV: cos'è e quali sono le sue caratteristiche principali, in Wireshop magazine. URL consultadu su 19 freàrgiu 2021.
  2. (IT) Cosa significa Smart TV, quali sono i vantaggi e gli svantaggi, in Navigaweb.net. URL consultadu su 19 freàrgiu 2021.