The Pip
campidanesa. Abbàida sas àteras bariedades gràficas:
logudoresu · LSC · nugoresu
The Pip est su nomìngiu postu de is ascurtadoris de undas curtzas a una statzioni radiofònica chi trasmitit unu sonu "bip" arrepìtiu in su tempus e a manera ocasionali messàgius in còdixi. In Rùssia, sa statzioni est connota comenti Капля (Kaplya, est a nai "stìddiu"). Sendi chi una pariga de is messàgius imbiaus incumintzant cun su còdixi 8S1Shch (in alfabetu cirìllicu: 8С1Щ), si creit chi custu siat su nòmini o s'indicativu de tzerriada de sa statzioni, mancai no ddoi siat nisciuna informatzioni ofitziali.[1][2]
Stòria[modìfica | modìfica su còdighe de orìgine]
The Pip est ativa prus o mancu de su 1986, candu su sinnali suu est stètiu ascurtau po sa primu borta. Sa statzioni imbiat in direta unu bip repìtiu unas 50 bortas po minudu in totu is binticuàturu oras. S'emissioni, amentendi sa de UVB-76, fait pensai a medas chi is duas statzionis siant assotziadas. Sa frecuèntzia de trasmissioni de s'emissora càmbiat de sa dii a su noti: a de dii trasmitit in 5448 kHz, a de noti in 3756 kHz.[1][2] S'oràriu de càmbiu de frecuèntzia vàriat in su cursu de s'annu, forsis po su càmbiu de durada de sa dii e de su noti: is frecuèntzias artas si spraxint mellus a dii e is bàscias a noti.[3]
Sa trasmissioni est fata in modulazioni a banda laterali sìngula superiora (USB). Prus bortas su sonu est s'est firmau po lassai su logu a messàgius de boxi in còdixi, pronuntziaus a su micròfonu de personis beras, siat òminis chi fèminas. Su logu de emissioni est disconnotu, ma Radioscanner.ru at identificau su propietàriu de sa statzioni in unu centru de comunicatzioni de unu distretu militari nord-caucàsicu acanta de sa tzitadi de Rostov asuba a su Don, chi tenit identificativu de tzerriada "Akacia".[4]
Messàgius de boxi[modìfica | modìfica su còdighe de orìgine]
Comenti po UVB-76, su sinnali est a bortas firmau po ligi messàgius de boxi in còdixi. Fintzas a oi si-ndi funt intèdius de duus tipus. Su primu tipus incumentzant cun su fueddu russu для (dlya, in sardu "po") e si pensant chi serbant po poai sa calidadi de s'arricidura. Su messàggiu portat dexi identificativus de tzerriadas, donniunu fatu de cuàturu caràtiris. Esempru:
| Template:Ru « Для ЙХЬЙ ЗЬ1Б НИ9В ДМЦ3 49ФТ Ц2ЗА ЛИ27 ИННЦ ЩГЙП 8ЦЩЙ »
|
(SC) « Po JH'J Z'1B NI9V DMC3 49FT C2ZA LI27 INNC ShchGJP 8CShchJ »
|
A custus sighit in su messàgiu un'àteru "Po", un'arrepitidura de is identificativus de tzerriada e sa pregonta "Как слышно?" (Kak slyshno?, chi bolit nai "Comenti s'intendit?"). Apustis, is identificativus funt arrepìtius àteras duas bortas e sighit "Приём!" (Priyom!, in sardu "Arricidura!").[2] Su segundu tipu de messàgius incumentzat cun "8С1Щ" (8S1Shch), chi si creit chi siat s'identificativu de tzerriada de sa statzioni. Sighit unu nùmeru de duas o tres cifras, unu fueddu in còdixi russa e duas o cuàturu còpias de cìfras, comenti:
| Template:Ru « 8С1Щ 73 373 ВДЕВАНИЕ 84 56 22 35 »
|
(SC) « 8S1Shch 73 373 VDYeVANIE 84 56 22 35 »
|
Su messàgiu est apustis arrepìtiu cuàturu bortas e a sa fini est pronuntziau "Приём!" (Priyom!, "Arricidura!").[2]
Punna[modìfica | modìfica su còdighe de orìgine]
Sa punna de The Pip no est a oi connota e ddoi at teorias diferentis. Est stètia fata s'ipòtesi chi The Pip siat una parti de unu sistema prus mannu de controllu arràdiu, chi iat a includi fintzas is duas statzionis The Buzzer e The Squeaky Wheel, chi imbiant sinnalis pretzisus. Acuntessit difatis chi a unu messàgiu de boxi de The Pip sigat, pagus minudus apustis, unu messàgiu de The Squeaky Wheel, faendi pensai chi sa pròpiu organizatzioni manixit is duas statzionis cun sa pròpiu punna.[2] In un'ocasioni, mentris The Squeaky Wheel imbiàt unu messàgiu de boxi, si podiat intendi su sonu de The Pip in fundu e custu donat s'idea chi is duas statzionis s'agatint in su pròpiu edifìtziu o fintzas in su pròpiu aposentu.[5] Custu no est comentisisiat prus acuntèssiu.
Riferimentus[modìfica | modìfica su còdighe de orìgine]
- ↑ 1.0 1.1 (EN) The Pip, NumbersStations. URL consultadu su 13 maju 2018.
- ↑ 2.0 2.1 2.2 2.3 2.4 (EN) The Pip Dossier (PDF), Priyom, 25 abrili 2013. URL consultadu su 13 maju 2018.
- ↑ Enigma 2000 Control List (PDF), Enigma 2000. URL consultadu su 13 maju 2018 (archiviadu dae s'url originale su 7 nadale 2012).
- ↑ The Pip, Priyom. URL consultadu su 13 làmpadas 2018.
- ↑ Message from The Squeaky wheel with The Pip heard in the background (MP3), Priyom. URL consultadu su 13 maju 2018.