The Witcher

Dae Wikipedia, s'entziclopedia lìbera.
Bae a: navigadura, chirca

Nùgoro-Istemma.png
Articulu in nugoresu
Nùgoro-Istemma.png

« Bene e malu no esistin, petzi isseperos e cusseguentzias »

The Witcher est unu videojocu de ruolu (action RPG) chi CD Projekt RED STUDIO at fattu e chi CD Projekt at distribuìu in Polonia, sende chi Atari l'apat fattu in su restu de su mundu. Sa versione europea at fattu su debutu suo in su 26 de Santu Gabine de su 2007 e cussa de sos Istados Unidos carchi die prus a tardu, in sa die de su 30 de Santu Gabine de su 2007. In su 17 de Febrarju de su 2008 at cumprìu una bèndia de unas 600.000 copias peri su mundu, e bi l'at fatta a cròmper a 1 milione in sa prima die de Sant'Andrìa.

Su jocu est ambientau ind unu mundu fantasy chi s'iscritore polacu Andrzej Sapkowski, in sa saga sua literària dedicada a sos Witcher (in limba polaca Wiedźmin), aiat imazinau. Su motore graficu de sos chi l'an isvilupau est s'Aurora Engine de Bioware (chi at fattu ja sa cumparta in su primu episodiu de Neverwinter Nights), ma l'an acontzau meda prochi poderet suportare sos efetos graficos de s'urtima generassione ludica.

Sa versione pro Personal Computer at bèndiu unu milione de copias in doichi meses: sa cosa a su cumintzu aiat conchinàu sos isvilupadores a nde tenner in cussideru una fintzas pro PlayStation 3 e Xbox 360, mancari chi a pustis su titulu siat istau annuddau.

In su 2011 est essiu su sichidore suo: The Witcher 2: Assassins of Kings pro Microsoft Windows. Custu peroe bi l'at fatta a essire fintzas ind una versione console pro Xbox 360, in su 17 de aprile de su 2012.