Transitzione de gènere
Limba Sarda Comuna. Abbàida sas àteras bariedades gràficas:
Sa transitzione de gènere est su protzessu de càmbiu sa presentatzione de gènere o is caraterìsticas sessuales de una persone de manera chi cuncordent cun su sentidu internu pròpiu de identidade de gènere: s'idea de su cale assumit su sentidu de èssere òmine, fèmina, o èssere non-binàriu o genderqueer. Pro is persones transgènere e transessuales, custu protzessu implicat una terapia de assignadura torra (chi podet inclùdere sa terapia ormonale suplida e sa chirurgia de assignadura torra de sessu), s'identidade de gènere de custos indivivìduos est difatis oposta a sa de su sessu e gènere assignados cun su naschimentu. Sa transitzione podet implicare unu tratamentu mèigu, ma non semper ddu previdet. Is trasformistas, is drag queens e is drag kings non sighint transitzione in generale, dae chi is presentatziones variantes issoro de gènere ddas'adotant (normalmente) petzi de manera temporale.
Sa transitzione comintzat cun una detzisione de transitzione, motivada dae su sentidu chi s'identidade de gènere de una/u non cumbinat cun su sessu chi si ddi fiat assignadu cun su naschimentu. Una de is tapas prus comunas de sa transitzione est essire dae s'armàriu pro sa prima borta.[1] Sa transitzione est unu protzessu chi podet durare intre vàrios meses e vàrios annos. Carchi persone, in piessignu is non-binàrias o is persones genderqueer, podent passare totu sa vida in transitzione e podent torrare a definire e interpretare su gènere issoro a mesura de su chi ddi acontesset in su tempus. Sa transitzione comintzare de norma dae in ue sa persone s'intendet còmoda: pro calicunos, custu comintzat cun sa famìlia issoro cun sa cale tenent intimidade e arribat a sos amigos prus a tardu o podet comintzare cun is amigos a primu e sa famìlia a pustis. A bortas, sa transitzione si produit a livellos diferentes intre sas isferas diferentes de sa vida. Pro esempru, calicunas/-os podent fàghere sa transitzione cun sa famìlia e sos amigos in antis de essire dae s'armàriu in su traballu.
Riferimentos[modìfica | modìfica su còdighe de orìgine]
- ↑ (EN) Mildred L. Brown, Chloe Ann Rounsley, True Selves: Understanding Transsexualism-For Families, Friends, Coworkers, and Helping Professionals, 6 santugaine 1996.