Troll (Internet)

Dae Wikipedia, s'entziclopedia lìbera.
Illustratzione: "proibitzione de atzessu a sos troll"

Unu troll, in is faeddos de internèt e mescamente  intru de is comunidades virtuales, est unu sugetu chi interagit cun is àteros cun messàgios provocadores, de mala manera, ifforas de tema o de manera simple sena sensu, cun s'obietivu de istorbare sa cunversatzione e "segare is patatas".

Istòria de su fenòmenu[modìfica | modìfica su còdighe de orìgine]

Is primos riferimentos a s'impreu de su tèrmine "troll" sunt presentes in s'archìviu Usenet incumentzende in is annos otanta.[1] No est ancora craru si su significadu atribuidu a su tèrmine  podet esser cuddu postu originariamente o si fotzas unu simple epìtetu impreadu intre sos varios possìbiles.

S'orìgine prus fideli de su tèrmine troll est in sa frase "trolling for newbies", chi aiat devènnidu pobulare in is primos annos 1990 in su grupu Usenet alt.folklore.urban: unu ditzu de brulla intre impitadores espertos chi presentaiant dimandas o argumentos tantu repìtidos e dibàtidos chi sceti unu nou impitadore podiat pèrdere tempus a bos rispòndere. Àteros aiant estèndidu su significadu pro inclùdere su cumportamentu de impitadores disinformados; nointames is troll fiant àncoras cunsiderados subretotu de manera irònica, prus chi provocadora.

In sa literadura sa pràtica est bènnida documentada dae Judith Donath in su 1999, chi aiat tzitadu medas esèmpios bènnidos de vàrios grupos Usenet. 

Donath aiat donadu una sintètica panoràmica de is cumportamentos chi si basant in sa cunfusione intre comunidade fìsica e virtuale.

De manera alternativa, s'orìgine diat acudire de unu àteru significadu de su verbu inglesu to troll, mòere a cosa de papare de manera  de spìnghere unu pische a bicare.[2] Segundu custa interpretatzione, sceti a pustis diat èsser naschida s'identificatzione cun su personàgiu mitològicu.

De su sustantivu troll derivant comunemente, siat in limba inglesa siat tràmite s'adatamentu a sa limba italiana, su verbu to troll (traduidu in trollare o trolleggiare), trolling (trolleggio), overas s'agire comente a unu troll (fomentare is ànimos provocatoriamente).

In su limbàgiu de internèt, donare de troll a calicunu signìficat ddi narrer a motivatzione   pro  ita agit, mentras su verbu derivadu (to troll, trollare) descriet sa pertzetzione chi si tenet  su cumportamentu suo. S'atzione de si cumportare comente a unu troll podet però èsser ligada fintzas a su cuntestu e a sa personalidade de chi iscriet. Est possìbile, difatis, agire comente a unu troll sena nd'tenner s'intentzione: irritande una comunidade in manera non voluntàriu e in bona fide.

Su significadu de troll tenet làcanas sugetivas e variàbiles a segunda de su cuntestu: unu cumportamentu chi in sa cunversatzione interpersonale diat pòder bènner cunsideradu unu simple infogu o un'iscatu de ira, diat pòder èsser etichettadu comente  "trollare" in is discussiones subra Internèt. Una discussione animada pro calincunu interessante, diat pòder èsser reputata de troll pro àteros.

Nòdidas[modìfica | modìfica su còdighe de orìgine]

  1. Matthias Schwartz, http://www.nytimes.com/2008/08/03/magazine/03trolls-t.html.
  2. merriam-webster.com, http://www.merriam-webster.com/dictionary/troll.